petrol diesel price महागाईमुळे हैराण झालेल्या सर्वसामान्यांसाठी एक दिलासादायक बातमी आहे. कच्च्या तेलाच्या किंमतींमध्ये जागतिक पातळीवर झालेली घसरण यामुळे भारत सरकार लवकरच पेट्रोल आणि डिझेलच्या दरात कपात करण्याचा विचार करत असल्याचे समोर आले आहे.
महागाईच्या संदर्भात हे एक मोठे बळ आहे. आर्थिक मंदीच्या काळात कच्च्या तेलाच्या दरांमध्ये मोठी घसरण झाल्याने एक वेळी पेट्रोल आणि डिझेलच्या दरांमध्ये कपात करण्याची संधी उपलब्ध झाली आहे.
पेट्रोलियम आणि नैसर्गिक वायू मंत्रालयाचे सचिव पंकज जैन यांनी सांगितले आहे की, जर कच्च्या तेलाच्या किंमतीत दीर्घकाळापर्यंत कपात होत राहिली तर पेट्रोल आणि डिझेलच्या किंमतीतही कपात होऊ शकते. मार्च 2022 नंतर कच्च्या तेलाच्या किमती खूपच कमी झाल्या आहेत. सध्या (Brent Crude) ब्रेंट क्रूडची किंमत $70 च्या खाली गेली आहे. डिसेंबर 2021 नंतर कच्च्या तेलाने प्रथमच ही पातळी गाठली आहे.
जागतिक अर्थव्यवस्थेचा विकास मंदावल्याने तेलाच्या मागणीत घट होत असल्याचे लक्षात येत आहे. त्यामुळे कच्च्या तेलाच्या किमतींमध्ये घट झाली आहे. यामुळे तेल विपणन कंपन्यांचा नफा वाढला आहे. देशातील ९० टक्के बाजारावर सरकारी तेल कंपन्यांचे नियंत्रण आहे. यामध्ये इंडियन ऑइल कॉर्पोरेशन (IOC), भारत पेट्रोलियम कॉर्पोरेशन लिमिटेड (BPCl) आणि हिंदुस्तान पेट्रोलियम कॉर्पोरेशन लिमिटेड (HPCl) यांचा समावेश आहे.
सध्या महाराष्ट्र आणि हरियाणा या राज्यांमध्ये पेट्रोलचा दर 100 रुपयांपेक्षा जास्त आहे, तर डिझेलचा दरही 90 रुपयांच्या वर आहे. पेट्रोल आणि डिझेलच्या किमतीचा परिणाम प्रत्येक वस्तूच्या किमतीवर होत असतो. त्यामुळे सरकारने दर कमी करण्याचा निर्णय घेतल्यास महागाईही कमी होऊ शकते.
पेट्रोलियम सचिव म्हणाले की OPEC+ देशांनी उत्पादन वाढवावे अशी भारताची इच्छा आहे कारण भारतासारख्या अनेक देशांमध्ये मागणी वाढत आहे. भारत हा जगातील तिसरा सर्वात मोठा तेल आयातदार आहे. आपला देश आपल्या एकूण गरजेच्या 87 टक्के कच्च्या तेलाची आयात करतो.
रशियासह ज्या देशांची किंमत कमी आहे त्यांच्याकडून अधिकाधिक तेल खरेदी करण्यास भारतीय कंपन्या तयार आहेत. भारतीय रिफायनर्स रशियन क्रूड आयात करत आहेत कारण ते त्यावर सूट देत आहेत. युक्रेन युद्धापूर्वी रशियाकडून भारताची आयात एक टक्क्यांहून कमी होती, जी या आर्थिक वर्षाच्या पहिल्या ५ महिन्यांत ४२ टक्क्यांपर्यंत वाढली आहे.